墨魚汁青口意粉
材料:
一份意大利麵
六隻青口
四粒蒜頭
一個洋蔥
橄欖油 (適量)
鹽(適量)
白酒約100 ml)
一小杯白葡萄酒(約50 ml)
奶油(約80 ml)
墨魚汁(約25g)
一個檸檬
整墨魚汁青口意粉要分開三個部分整
1️⃣煮青口 2️⃣煮意大利麵 3️⃣調製墨魚汁
步驟:
1️⃣先將青口解凍並用刷子????進行清潔
2️⃣將四個蒜頭切成碎粒
3️⃣再將一個洋蔥切開一半再分開切成碎粒
4️⃣先處理青口部分 倒入適量橄欖油落平底鑊
5️⃣再倒上一半份量既蒜粒落去平底鑊爆香
6️⃣再加埋一半份量既洋蔥粒落去平底鑊炒香
7️⃣倒埋六隻青口落去鑊煮
8️⃣加上小量鹽和一杯(約100ml)既白酒去調味
9️⃣等待30秒再蓋上鑊蓋約三至五分鐘等待青口熟透
1️⃣0️⃣將煮熟既青口先放上碟上 再處理墨魚汁意粉
步驟: (係整緊青口既同時其實都可以先煮熟意大利面條)
1️⃣一開始先煲滾熱水 再放小量鹽(約半茶匙)落水
2️⃣當水滾後就放一份意大利麵條落去煲 大約八至十分鐘
3️⃣當麵條軟熟後就可以拎出黎 隔走啲水
製作墨魚汁步驟
1️⃣一樣先倒返適量橄欖油落平底鑊
2️⃣再倒返剩餘既蒜粒同埋洋蔥落平底鑊炒香
3️⃣再加上小量鹽和一小杯白葡萄酒(約50ml)
4️⃣用大火將汁整到變得濃稠 再加上約80ml奶油
5️⃣用細火將汁濃縮到好稠好稠就加埋25g墨魚汁再攪拌
6️⃣加埋一個檸檬榨出黎汁就完成左墨魚汁
7️⃣將煮好既麵條放入平底鑊同墨魚汁撈完埋一齊炒勻
8️⃣再加埋一開始整好既青口落去炒勻炒返熱就可以上碟
9️⃣墨魚汁青口意粉就大功告成喇